నా పేరు స్నేహం...

అభిమానంతో పుడతాను
అనుమానంతో మరణిస్తాను

కులం లేదు, మతం లేదు, గోత్రం లేదు
నా గురించి చెప్పే శాస్త్రం కూడా లేదు

నాకు పేర్లు అనేకం
 ప్రతి ఊరు నాకే సొంతం

నమ్మకానికి మారు పేరు
నాకెవ్వరూ సాటిరారు

అమ్మలా లాలిస్తాను
నాన్నలా రక్షిస్తాను
తోబుట్టువులా ప్రేమిస్తాను

నాకు లేదు స్వార్థం
పంచుకోవడం పంచిపెట్టడం నా గుణం

నా తోడు ఇస్తుంది ధైర్యం
వస్తుంది ఏమైనా చెయ్యగలం అనే భావం

గర్వంగా చెప్తున్నాను నా పేరు స్నేహం
 ప్రేమకి  ప్రతిరూపం  అందరిని చేస్తాను ఐక్యం...



Written By,
                                                                     Siva..

ఓ మనిషి

ఆలోచనావిచక్షణ జ్ఞానం కలిగిన మనిషిగా ఈ భూమి మీద పుట్టావు
భయపెడితే భయపడతావు
ధైర్యం చెప్తే చీకోడతావు
ద్వేషిస్తే దూషిస్తావు
ప్రేమిస్తే పిచ్చంటావు
సహాయం చేస్తే స్వార్థం అంటావు
నిరాకరిస్తే నిరాశపడతావు
అనుమానిస్తే అవమానమంటావు
అభిమానిస్తే ఆలోచిస్తావు
తప్పుంటే తప్పుకోవు
ఒప్పంటే ఒప్పుకోవు
మంచి చేసిన వారిని మరిచిపోతావు
చెడు చేస్తున్నా వారిని చేరదీస్తావు
వాడుకోవలిసిన వస్తువులను ప్రేమిస్తావు
ప్రేమించాల్సిన మనుషులను వాడుకుంటావు
కుల్లిపోతున్న సమాజాన్ని మార్చడానికి ఎవరో రావాలని కోరుకుంటావు
ఆ సమాజంలో నువ్వు ఒకడివని తెలిసి కూడా నిన్ను నువ్వు మార్చుకోవు
ఓ మనిషి నీకు అన్నీ తెలిసి చేస్తున్నావా ఇవన్నీ అందరితో కలిసి...?

నీ స్నేహం

అమ్మలా అనునిత్యం లాలించేతత్వం
ఆలనాపాలనను ఆనందంతో అనుసందానం చేసే గుణం
ఇంకోసారి పుడతాడు అస్తమించిన ఆ సూర్యుడు ఒక్కసారే పుడతాడు ఈ ఆత్మీయుడు
ఈ ప్రపంచంలో ఎక్కడున్నా అనుమతి లేకుండా మనసుకు చేరువవుతాడు
ఉడుతా భక్తికి ఆ శ్రీరాముని స్పర్శే నిదర్శనం నేను వేచిఉన్న నీ అనుగ్రహం కోసం
ఊపిరి ఉన్నంతవరకే ప్రాణం నువ్వు అను తోడు ఉన్నంతవరకు  జీవితం ఒక  పూలవనం
ఋతువులా వచ్చావు కొత్త ఆశలు నింపావు మదిలో ఒక తీపి గుర్తులా నిలిచావు
ఎవరైన ఎప్పు డైనా చవిచూసే ఒక తీపి అనుభవం అందరికి లబించే గొప్ప వరం అందుకు నువ్వే నిర్వచనం
ఏమని చెప్పను, ఎంతని చెప్పను నీ పై ఇష్టం అది మాటల్లో చెప్పలేనంత రాతల్లో రాయలేనంత
ఐక్యమత్యమే మహా బలం అనుమానం లేదు నువ్వే నా మనోబలం
ఒకటి రెండు మూడు వీటికి లెక్కలేదు నీతో ప్రయాణానికి ముగింపు రాదు
ఓడిపోతామని ఆపను ఏపనిని వీడిపోతామని  వదలను నీ చేయిని ఇప్పటికి ఎప్పటికి
ఔను నిజం నువ్వు ఉన్న సమయం యుగం ఒక క్షణం లేని తరుణం క్షణం ఒక యుగం
అంతంలేని ఈ అనుబందానికి రూపమే నువ్వు నీ స్నేహం

చిన్నతనంలో నేర్చిన ఓనామాలు నీస్నేహం నేర్పిన  అనురాగాలు ఎప్పటికి మరిచిపోను

Written By,
                                                                     Siva..